Çapar goşundysy arkaly indi Türkmenistanyň edaralarynyň belgilerini gözläp bolýar
Çapar goşundysynyň täzelenen görnüşinde Türkmenistanyň edaralarynyň telefon belgilerini gözlemek funksiýasy peýda boldy.
«Maglumathana» atly täze bölüm edaranyň adyny gözleg meýdançasyna girizip, birnäçe sekundyň dowamynda ol ýa-da beýleki edaranyň telefon belgisini almaga we şol bada goşundynyň özünden jaň etmäge mümkinçilik berýär.
Maglumathananyň kömegi bilen döwlet edaralarynyň belgilerini, şeýle hem medeni-dynç alyş merkezleriniň, şäher we etrap gulluklarynyň, howa menzilleriniň we ş.m. belgilerini alyp bolýar.
Köp funksiýaly Çapar ykjam goşundysy şeýle hem hyzmatlaryň dürli görnüşlerine uzakdan töleg geçirmäge, otla ýa-da uçara bilet satyn almaga, çapary çagyrmaga we eltip bermäni yzarlamaga mümkinçilik berýär.
Goşundynyň täzelenen görnüşi eýýäm Android we iOS platformalarynda elýeterlidir.
ORIENT habarlar
