Türkmen talyplary BDU-niň Liseýinde Nowruz baýramyny belläp geçdiler
Belorussiýanyň Döwlet uniwersitetiniň Liseýinde türkmenistanly talyplaryň gatnaşmagynda Halkara Nowruz gününe bagyşlanan festiwal geçirildi. Çäre dünýäniň dürli künjeklerinden, şol sanda Özbegistandan, Täjigistandan, Azerbaýjandan, Türkiýeden, Palestinadan we Eýrandan myhmanlary ýygnady.
Talyplar milli nyşanlaryň, egin-eşikleriň, şaý-sepleriň, sungat eserleriniň we edebiýat sergisinde öz medeniýetini, taryhyny we däp-dessurlaryny hödürlediler. Myhmanlar şeýle hem dürli milli tagamlardan lezzet aldylar.
Baýramçylyk konserti tomaşaçylary talyplaryň we çagyrylan myhmanlaryň döredijilik çykyşlary bilen begendirdi. Öz ene dilindäki aýdymlar, tanslar we sazlar, goşgulary okamak we dürli bäsleşikler şatlygyň we jebisligiň gurşawyna beslendi.
Festiwal BDU-niň Ýurtdaşlyk geňeşi, Ýaşlar bilen terbiýeçilik işlerini alyp barmak baradaky müdirlik we Medeniýet işleri baradaky müdirlik tarapyndan guraldy.
Nowruz – bu halklary birleşdirýn we ýaşaýyşyň täzelenýändigini görkezýän baýramdyr. BDU-niň talyplary öz medeni meňzeşligiňi gorap saklamagyň we ösdürmegiň, şeýle hem beýlekileriň medeniýetine hormat goýmagyň we gadyryny bilmegiň ajaýyp nusgasyny görkezdiler.
ORIENT habarlar
