Russiýanyň ýygyndy topary Merkezi Aziýanyň Futbol Assosiasiýasynyň ilkinji çempionatynda çykyş eder
Russiýanyň milli futbol ýygyndysy erkek toparynyň arasynda Merkezi Aziýanyň Futbol Assosiasiýasynyň (CAFA) ilkinji çempionatyna gatnaşar diýip, – Täjigistanyň Futbol Federasiýasynyň metbugat gullugy habar berýär.
9-njy iýundan 21-nji iýuna çenli Bişkekde we Daşkende geçiriljek çempionatda Merkezi Aziýa futbol assosiasiýasyny agza ýurtlary – Türkmenistan, Täjigistan, Eýran, Özbegistan, Gyrgyzystan we Owganystan çykyş eder.
Russiýanyň ýygyndy topary bu ýaryşa gatnaşjakdygyny tassyklady. Mundan başga-da, Aziýanyň ýygyndylaryndan birini çagyrmak meýilleşdirilýär.
Düzgüne laýyklykda sekiz topar hersi dört topardan ybarat bolan iki kwartete bölüner. Iki toparyň ýeňijileri finalda duşuşarlar. Kwartetinde ikinji orny eýelän toparlar üçünji ýer ugrunda bäsleşer.
2022-nji ýylyň fewral aýynda Halkara Futbol Federasiýasy we UEFA Russiýanyň ýygyndylaryny we klublaryny halkara ýaryşlaryndan çykardy. 30-njy dekabrda RFÝ-sy iş toparyny döretdi. Olar UEFA-dan Aziýa futbol konfederasiýasyna geçiş işi bilen tanyş bolmaly.
ORIENT news
