Dohada Türkmenistanyň Prezidenti Kataryň emiri bilen ýokary derejedäki gepleşikleri geçirdi
Mart 20, 2023 | 14:58 |10078
Türkmenistanyň Prezidenti Serdar Berdimuhamedow Dohada Kataryň emiri şeýh Tamim bin Hamad Al Tani bilen bu ýurda bolan döwlet saparynyň çäklerinde duşuşdy – diýip, TDH habar berýär.
Resmi duşuşyk dabarasyndan soňra iki döwletiň baştutanlarynyň giňeldilen düzümde wekiliýetleriň gatnaşmagynda gepleşikleri başlandy.
Gepleşiklerde taraplar aşakdakylary ara alyp maslahatlaşarlar:
– hyzmatdaşlygyň şertnama-hukuk binýadyny pugtalandyrmak,
-
– söwda-ykdysady we medeni-ynsanperwer ugurlarda hyzmatdaşlygy giňeltmek,
-
– parlamentara gatnaşyklary ösdürmek,
-
– daşary-syýasy edaralaryň ugry boýunça özara gatnaşyklary kämilleşdirmek.
Gepleşikleriň jemleri boýunça ikitaraplaýyn resminamalaryň toplumyna gol çekilmegine garaşylýar.
ORIENT habarlar
