Türkiýädäki fewral ýer titremeleri hakyndaky kitap çapdan çykdy
Türkiýäniň prezidentiniň Administrasiýasynyň aragatnaşyklar müdirligi «Asyryň betbagtçylygy: 2023-nji ýylyň 6-njy fewralyndaky Kahramanmaraşdaky ýer titremeleri» atly kitaby neşire taýýarlady – diýip, Anadolu agentligi habar berýär.
Kitapda merkezi Türkiýäniň Kahramanmaraş welaýatynda bolan weýrançylykly ýer titremeleriň netijeleri barada gürrüň berilýär. Onda şeýle hem döwlet tarapyndan, şeýle hem dürli guramalar we adaty raýatlar tarapyndan amala aşyrylýan betbagtçylygyň netijelerini ýok etmek çäreleri barada jikme-jik maglumat getirilýär.
Neşir alty bölümden ybaratdyr: «2023-nji ýylyň 6-njy fewralyndaky Kahramanmaraşdaky ýer titremeleri hakynda», «Asyryň betbagtçylygyna aň ýetirme», «Ýer titreme zolagynda gözleg-halas ediş işleri», «Tebigy betbagçylykda kommunikasiýa we ýalan maglumat ýaýradylmagyna garşy göreş», «Ýer titremeleriň netijeleriniň fonunda raýdaşlyk» we «Ýer titremelerinden soňra alnyp barylýan dikeldiş we gurluşyk işleri». Kitap türk, iňlis we arap dillerinde elýeterlidir.
Kitabyň girişini prezident Rejep Taýyp Ärdoganyň şahsy özi ýazypdyr. Neşir Türki döwletleriň guramasynyň nobatdan daşary sammitine gatnaşan baştutanlara we wekiliýetiň agzalaryna berildi.
ORIENT habarlar
