TDHÇB-daky söwdalaşyklar: daşarky bazarda türkmen nebit önümleri ýokary islege eýe boldy
Penşenbe güni, 16-njy martda Türkmenistanyň Döwlet haryt-çig mal biržasyndaky söwdalaşyklarda jemi bahasy $52,1 mln amerikan dollaryna deň bolan 25 geleşik baglaşyldy – diýip, ORIENT-iň habarçysy habar berýär.
Pakistandan we Owganystandan gelen telekeçiler Л-0,5-62 kysymly dizel ýangyjynyň 16 müň tonnasyny satyn aldylar, önümiň her tonnasyna $687 amerikan dollary baha berdiler. Nebit önümleri boýunça geleşikleriň jemi bahasy $10,9 mln amerikan dollaryndan geçdi.
Owganystanyň işewür toparlarynyň wekilleri suwuklandyrylan tebigy gazyň 5,5 müň tonnasyny satyn aldylar, onuň her tonnasyna $314 amerikan dollary baha berildi. Jemi suwuklandyrylan tebigy gazyň $1,7 mln amerikan dollarlygy eksporta ugradyldy.
Owganystandan gelen işewürler A-92 kysymly awtoulag benzininiň 5 müň tonnasyny satyn almak barada geleşik baglaşdylar. Onuň her tonnasyna $676,75 amerikan dollary baha berildi. Geleşikleriň jemi bahasy $3,3 mln amerikan dollaryndan geçdi.
BAE-den, Maltadan we Wirgin adalaryndan gelen alyjylar az kükürtli ýangyç mazudyň 100 müň tonnasyny $35,7 mln amerikan dollaryna satyn aldylar. Önümiň her tonnasyna $357 amerikan dollary baha berildi.
ТС-1 kysymly uçar kerosininiň 500 tonnasyny hem owganystanly telekeçi $348,2 müň amerikan dollaryna satyn aldy, önümiň her tonnasyna $696,50 amerikan dollary baha berildi.
Bir gün öň, 15-nji martda Owganystandan gelen telekeçiler söwdalaşyklarda suwuklandyrylan gazyň 1 müň tonnasyny önümiň her tonnasyna $330 amerikan dollary baha berip, $330 müň amerikan dollaryna satyn aldylar.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
