Özbegistanda BMG-nyň goldawy bilen owgan bosgunlary abadanlaşdyryş işlerine çekildi
Birleşen Milletler Guramasynyň Ösüş Maksatnamasynyň (UNDP) Özbegistandaky metbugat gullugynyň anna güni berýän habaryna görä, Özbegistanda wagtlaýynça ýaşaýan 400-den gowrak owgan raýaty respublikanyň günortasyndaky Surhandarya welaýatynyň çäginde daş-töweregi bagy-bossanlyga öwürmek boýunça taslama gatnaşdy.
Metbugat gullugynyň berýän maglumatlaryna görä, Özbegistanyň Tebigy baýlyklar ministrliginiň we BMGÖM-iň wekilleri Özbegistanyň we Owganystanyň raýatlaryny çekmek arkaly töweregi bagy-bossanlyga öwürmek boýunça bilelikdäki taslamanyň netijeleri bilen tanyşmak üçin Surhandarya welaýatyna baryp gördüler.
"Taslama Özbegistandaky owgan bosgunlaryny we kabul ediji tarapyň ilatynyň ejiz gatlaklaryny “zähmet üçin töleg” we beýleki töleg mehanizmlerini ulanyp tokaýlaşdyrmak boýunça işlere çekmek arkaly, Owganystan bilen serhetleşýän Surhandarýa sebitinde gaýragoýulmasyz ynsanperwerlik zerurlyklaryny kanagatlandyrmaga gönükdirilendir” – diýlip, BMGÖM-iň metbugat beýanatynda aýdylýar.
Metbugat gullugynyň habaryna görä, taslama 413 owgan bosguny (113 aýal we 300 erkek) we 194 ýerli ýaşaýjy gatnaşdy. 2,5 müň düýp bag, şeýle hem 287 müň düýp sazak nahallary oturdyldy.
ORIENT news
