Türkmen göreşiniň ussatlary Daşkentde hünärini ýokarlandyrýarlar
Göreş boýunça türkmen tälimçileri Daşkentde okuw-türgenleşik ýygnanyşyklaryny geçýärler – diýip, Özbegistanyň Milli habarlar agentligi UzA habar berýär.
22-nji marta çenli dowam etjek okuwyň çäklerinde olaryň sportuň bu görnüşini meşhur etmekdäki ornuny göz öňünde tutup, göreş boýunçä tälimçileriň işleriniň hili seljeriler, olaryň iş ulgamy utgaşdyrylar.
Şu ýyldan başlap «Göreş» Halkara birleşmesiniň tälimçiler üçin tälim beriş sapaklaryny geçirmek we halkara ýaryşlaryna gatnaşmak üçin «B» kategoriýaly şahadatnamanyň bolmagyny hökmany şert diýlip kabul edendigini belläp geçmelidiris.
Bu talabyň girizilmegi göreş sport görnüşiniň Olimpiýa oýunlarynyň ulgamyna birikdirilmeginiň ýolundaky nobatdaky ädimdir.
Türkmen hünärmenleri bilen bir hatarda Daşkentdäki okuw-türgenleşik ýygnanyşyklarynda Beýik Britaniýanyň, Russiýanyň, Ukrainanyň, Günorta Koreýanyň, Eýranyň, Owganystanyň, Gyrgyzystanyň, Maltanyň, Nepalyň, Türkiýäniň, Indoneziýanyň, Rumyniýanyň wekilleri gatnaşýarlar.
ORIENT habarlars
