Türkmenistanyň Daşary işler ministrliginde britan goranyş-seljerme merkeziniň bilermenleri bilen duşuşyk geçirildi

Mart 14, 2023 | 20:13 |8340

Sişenbe güni Aşgabatda Türkmenistanyň ministrlikleriniň we pudak edaralarynyň wekilleriniň Beýik Britaniýanyň birleşen gulluklar institutynyň (RUSI) bilermenleri bilen duşuşygy geçirildi.

Ýurduň Daşary işler ministrliginiň binasynda geçirilen duşuşygyň barşynda sebit howpsuzlygy, howplara we kynçylyklara garşy göreş, şol sanda owgan meselesini parahatçylykly çözmegiň ýollary ara alnyp maslahatlaşyldy. Taraplar söwda-ykdysady ugurda sebit hyzmatdaşlygy meseleleri boýunça pikir alyşdylar – diýlip, daşary syýasat edarasynyň saýtynda habar berilýär.

Birleşen gulluklar şa instituty (Royal United Services Institute) Beýik Britaniýadaky goranyş we howpsuzlyk boýunça dünýäniň baýry we öňdebaryjy seljerme merkezidir.

ORIENT news