Türkmen türgeni ilkinji gezek boks boýunça dünýä çempionatynda çykyş eder

Mart 14, 2023 | 18:42 |7354

Türkmenistanyň wekili Gülzada Jorakulyýewa zenanlaryň arasynda boks boýunça 14-nji martdan 26-njy marta çenli Nýu-Delide (Hindistan) geçiriljek dünýä çempionatyna gatnaşar.

Ýurduň Boks federasiýasynda ORIENT-e habar bermeklerine görä, Jorakulyýewa 66 kg çenli agram derejesinde çykyş eder. Türkmen türgeni taryhda ilkinji gezek zenanlaryň arasynda boks boýunça dünýä çempionatyna gatnaşmaga hukuk gazandy.

Ýaryş 65 ýurtdan 300 boksçy zenany 12 agram derejesinde ýygnar. Bu ýaryş Parižde boljak 2024-nji ýylyň Olimpiýa oýunlarynyň esasy saýlama ýaryşy bolar. Reglamente laýyklykda, dünýä çempionatynda Pariždäki oýunlara 20 ýollanmanyň eýesi belli bolar.

ORIENT habarlar