BSGG-nyň «Sagdyn şäherler» taslamasy GDA-da işjeň ýerine ýetirilýär
Sankt-Peterburgda Bütindünýä saglygy goraýyş guramasynyň «Sagdyn şäherler» taslamasynyň ýerine ýetirilişi boýunça Utgaşdyryjy geňeşiň maslahaty bolup geçdi – diýip, Arkalaşygyň Ýerine ýetiriji komitetiniň metbugat gullugy habar berýär.
Gatnaşyjylar taslamany ýerine ýetirmegiň çäklerinde ýokanç däl keselleriň öňüni almagy üpjün etmegiň meselelerini, Arkalaşygyň şäherlerinde atmosfera howasynyň sanitar-epidemiologik howpsuzlygyny ara alyp maslahatlaşdylar.
BSGG-nyň Ýewropanyň sebitleýin býurosynyň «Sagdyn şäherler» taslamasy pudagara hyzmatdaşlygyň we jemgyýetçiligiň gatnaşmagy arkaly şäherlileriň saglygyny we durmuşynyň hilini gowulandyrmak üçin dürli ugurlaryň wekilleriniň tagallalaryny birleşdirýär.
Taslama bütindünýä hereketine ösüp geçdi; BSGG-nyň Ýewropa sebitiniň 30-dan gowrak ýurtdaky1000-den gowrak şäheri, etraby we şäherçeleri «Sagdyn şäherler» taslamasynyň ösmegine gatnaşýar, şeýle hem olar milli, sebitleýin we tematiki torlara gatnaşýarlar.
ORIENT täzelikler
