Türkmenistan we Bolgariýa ýokary derejedäki ikitaraplaýyn saparlaryň guralyşyna garadylar
Türkmenistan we Bolgarýa ýakyn geljekde ýokary derejedäki ikitaraplaýyn saparlaryň guralmagyna, şeýle hem iki ýurduň DIM-niň baştutanlarynyň derejesinde syýasy maslahatlaşmalaryň geçirilmegine gyzyklanýar.
Bu barada Türkmenistanyň we Bolgariýanyň Russiýadaky ilçileri Batyr Nyýazlyýewiň we Atanas Krystiniň duşuşyklrynyň netijesi boýunça mälim boldy – diýip, türkmen diplomatik wekilhanasynyň RF-daky saýty habar berýär.
Taraplar ikitaraplaýyn hyzmatdaşlygy işjeňleşdirmek meselesini we syýasy-diplomatik, ykdysady, logistiki we ynsanperwerlik ugurlar boýunça ozal gazanylan ylalaşyklaryň ýerine ýetirilmegini ara alyp maslahatlaşdylar.
Russiýadaky Bolgariýanyň diplomatik wekilhanasynyň baştutany Türkmenistanyň daşary syýasat ugruna ýokary baha berdi. Bulardan başga-da, diplomatlar iki ýurduň özara gatnaşyklarynyň yzygiderli ösýändigini we uly mümkinçilikleriň bardygyny bellediler.
Duşuşygyň ahyrynda diplomatik wekilhanalaryň ýolbaşçylary iş gatnaşyklarynyň dowam etdirilmegi barada ylalaşdylar.
ORIENT habarlar
