Taryhdaky iň baý türgen belli boldy
Meşhur öňki basketbolçy Maýkl Jordan Sportico neşiriniň hasaplamalary boýunça taryhdaky iň baý türgen diýlip ykrar edildi.
Neşiriň reýtingine görä, Jordan öz karýerasynyň dowamynda 3,3 mlrd dollar gazanypdyr. Ikinji ýerde golfçy Taýger Wuds (2,5 mlrd), üçünji ýerde onuň kärdeşi Arnold Palmer (1,7 mlrd) durýar.
Dördünji ýer ýene-de bir golfça – Jekki Niklausa (1,6 mlrd) düşdi. «Al-Nasryň» we Portugaliýanyň ýygyndysynyň forwardy Kriştianu Ronaldu baýlaryň bäşligini (1,58 mlrd) jemleýär.
Maýkl Jordan – Milli basketbol assosiasiýasynda (MBA) 15 ýylyň dowamynda çykyş eden öňki professional basketbolçydyr.
Ol ähli döwürleriň iň gowy basketbolçylarynyň biri hasaplanýar we «Çikago Bulz» topary bilen MBA-nyň 6 çempionatynda ýeňiş gazandy. Özüniň sportdaky üstünliklerinden başga-da, Jordan üstünlikli telekeçi we maýa goýumçy boldy, bu oňa ägirt uly emlägi gazanmaga mümkinçilik berdi.
Basketbolçynyň baýlygynyň uly bölegi 1984-nji ýylda döredilen Air Jordan brendiniň önüminiň satylmagy bilen baglanyşyklydyr. Nike kompaniýasy bu brend bilen Jordana ägirt köp möçberde girdeji getirip, krossowkalary we beýleki harytlary çykarýar.
Basketbolçy dürli kompaniýalara düýpli maýa goýdy, şol sanda Estée Lauder kosmetiki brende hem maýa goýdy. Mundan başga-da, Jordan MBA-nyň “Şarlott Hornets” toparynyň bilelikdäki eýesidir.
ORIENT habarlar
