Türkiýädäki ähliumumy saýlawlar 14-nji maýda bolar
Türkiýädäki ähliumumy saýlawlar 14-nji maýa bellenendir. Degişli permana ýurduň prezidenti Rejep Taýyp Ärdogan gol çekdi – diýip, ýerli KHBS-i habar berýärler.
Şenbe güni Ýokary saýlaw geňeşi (YSK) jemgyýetçilige saýlawlaryň senesini habar bermek üçin ýygnanýar. Ikinji tapgyr geçirilmeli bolan halatynda, saýlawlar 28-nji maýda gaýtadan geçiriler.
Saýlawlaryň öňüsyrasyndaky kampaniýa 16-njy ýa-da 18-nji martda başlap biler.
Parlamentiň deputatlaryna dalaşgärleriň sanawy Ýokary saýlaw geňeşine 9-njy aprele çenli berilmelidir. Ýöne kampaniýanyň başlanýan senesine baglylykda bu möhlet üýtgäp biler.
Jemgyýetçilik pikiriniň başlangyç soraşmalaryna laýyklykda, häzirki prezident Rejep Taýyp Ärdogan saýlawlaryň öňüsyrasyndaky ýaryşda öňdeligi eýeleýär . Partiýalaryň arasynda lider häzirki dolandyryjy Adalat we ösüş partiýasydyr (AK Parti).
ORIENT habarlar
