Türkmenistanyň hokkeý boýunça ýetginjekler ýygyndysy Aziýanyň we Okeaniýanyň çempionatyna gatnaşarlar
Türkmenistanyň hokkeý boýunça ýetginjekler ýygyndysy 11-19-njy martda Ulan-Batorda (Mongoliýa) geçiriljek Aziýanyň we Okeaniýanyň çempionatynda çykyş ederler.
Yklymyň iň gowy topary adyny almak üçin Türkmenistanyň, Mongoliýanyň, Özbegistanyň, Eýranyň, BAE-niň we Tailandyň ýygyndylary göreşerler.
Türkmen wekiliýetiniň düzümine 24 adam, şol sanda 20 türgen girdi.
Ýaryşyň çäklerindäki birinji duşuşygy Guwançmyrat Jepbarowyň türgenleri 11-nji martda Özbegistanyň ýygyndysyna garşy geçirerler.
Ertesi güni türkmen hokkeýçilerine Tailand bilen duşuşyk garaşýar. 14-nji martda Türkmenistanyň ýygyndysy BAE bilen oýnar, 15-nji martda bolsa çempionatyň eýeleri – Mongoliýa bilen, 17-nji martda - Eýran bilen duşuşar.
Ýaryşlar «Steppe-Arena» buzly köşgünde geçiriler.
ORIENT habarlar
