Türkmenistan GDA-nyň maliýe aňtawçylyk bölümleriniň baştutanlarynyň Geňeşiniň mejlisinde synçy boldy
Türkmenistanyň wekili GDA agza döwletleriň maliýe aňtawçylyk bölüminiň ýolbaşçylarynyň Geňeşiniň 22-nji mejlisine gatnaşdy – diýip, Arkalaşygyň Ýerine ýetiriji komitetiniň saýty habar berýär. Bu mejlise Türkmenistan synçy hökmünde gatnaşdy.
Mejlise gatnaşyjylar jenaýatçylykly ýollar arkaly we terrorçylygy maliýeleşdirmekden alnan girdejileriň kanunylaşdyrylmagyndaky töwekgelçiliklere baha bermek boýunça Halkara merkeziň döredilmek meselelerini ara alyp maslahatlaşdylar. Hususan-da, merkeziň maglumatlar bilen doldurylmagy baradaky meselä garadylar.
Merkezi döretmek baradaky Ylalaşygyň taslamasynyň şu ýylyň ýanwar aýynyň aýagynda GDA ýurtlarynyň bilermenler toparynyň mejlisinde tassyklanandygyny belläp geçmelidiris. Häzirki wagtda resminama döwletleriň öz içinde ylalaşylýar.
Gibrid formatynda geçen duşuşyga jenaýatçylykly ýol bilen we terrorçylygy maliýeleşdirmek arkaly gazanylan girdejileriň kanunylaşdyrylmagynyň öňüni almak boýunça Ýewraziýa toparynyň (EAG) wekilleri we maliýe monitoringi boýunça Halkara okuw-usulyýet merkeziniň wekilleri hem çagyrylypdyr.
Wekiliýetiň agzalary EAG Halkara geňeşiniň agzalarynyň we gözegçilik ediji edaralaryň öňde boljak bilelikdäki çäresinden habardar edilipdi. Onda girdejileri kanunlaşdyrmagyň we terrorçylygy maliýeleşdirmegiň bar bolan töwekgelçiliklerine garadylar, şeýle hem olary azaltmagyň mehanizmleri kesgitlener. Bu bolsa, öz gezeginde, döwlet we hususy pudagyň EAG-nyň synçylary bilen tagallalaryny utgaşdyrar.
Jenaýatçylykly ýol bilen gazanylan we terrorçylygy maliýeleşdirmek arkaly gazanylan girdejileriň kanunylaşdyrylmagyna garşy göreşmek boýunça Ýewraziýa toparyna (EAG) dokuz döwlet girýär: Belorussiýa, Hindistan, Gazagystan, Hytaý, Gyrgyzystan, Russiýa, Täjigistan, Türkmenistan we Özbegistan. Ol FATF görnüşi boýunça sebitleýin edara – maliýe monitoringi boýunça Hökümetara komissiýasy bolup durýar.
ORIENT habarlar
