Türkmen talyplary daşary ýurt dillerini okatmagyň Russiýadaky usulyýeti bilen tanyş boldular
Magtymguly adyndaky Türkmen döwlet uniwersitetiniň talyplary we mugallymlary «Daşary ýurt dillerini okatmakda iň täze tehnologiýalar» temasy boýunça onlaýn-leksiýany diňlediler, olaryň öňünde Moskwanyň M. W. Lomonosow adyndaky döwlet uniwersitetiniň lektory Swetlana Titowa çykyş etdi. Bu barada şu gün «Neýtralnyý Turkmenistan» gazeti ýazýar.
Leksiýa TDU-niň üç fakultetiniň: iňlis dili we edebiýaty, roman-german we gündogar dilleri we häzirki zaman tehnologiýalary fakultetleriniň mugallymlary we talyplary gatnaşdylar. Leksiýada Titowa hünär kämilleşdiriş maksatnamalary, dil bilimini sanlylaşdyrmagyň tapgyrlary, şeýle hem sanly tehnologiýalary okuw prosessine nähili integrirlemek barada gürrüň berdi.
Leksiýa Türkmenistanyň we Russiýanyň iki ýokary okuw mekdebiniň arasynda baglaşylan hyzmatdaşlyk baradaky Ylalaşygyň çäklerinde gurnaldy.
Swetlana Titowa hormatly lektor we daşary ýurt dilleri we sebiti öwreniş fakultetiniň goşmaça bilim bermek boýunça dekanynyň orunbasarydyr, şeýle hem daşary ýurt dillerini okatmagyň nazaryýeti kafedrasynyň müdiri, pedagogiki ylymlaryň doktory we MDU-niň at gazanan professory. Bulardan başga-da, ol halkara taslamalarynyň ýolbaşçysy, aralyk okatmak maksatnamalaryň we MDU-niň «Daşary ýurt dillerini okatmakda interaktiw tehnologiýalar» ylmy mekdebiniň ýolbaşçysydyr.
ORIENT habarlar
