Türkmenistan bilen Özbegistanyň arasyndaky haryt dolanyşygy 3% artdy
Fewral 28, 2023 | 11:17 |7214
2023-nji ýylyň ýanwar aýynyň jemleri boýunça Özbegistanyň Merkezi Aziýa ýurtlary bilen daşarky söwdasynyň möçberi 8% artdy we $449,7 mln ýetdi – diýip, ýurduň Ykdysady barlaglar we üýtgedip gurmalar merkezine salgylanyp, Ýangi Uzbekiston habar berýär.
Ýurduň Türkmenistan bilen söwda dolanyşygynyň möçberi 3% artdy we $16,1 mln ýetdi. Şunda özbek eksportynyň paýyna $5,7 mln, importynyň paýyna bolsa - $10,4 mln düşýär.
Özbegistanyň sebitiň ýurtlaryna umumy eksporty $139 mln deň boldy, import bolsa – 18,4% artmak bilen $310,8 mln boldy.
Özara söwdanyň iň köp möçberde artmasy Gazagystan bilen syn edilýär. Ol 74% deň boldy.
ORIENT habarlar
