Türkmen türgenleri «Olimpe tarap ýol»taslamasyna gatnaşýarlar
«Aziýanyň çagalary» atly II gyşky Oýunlarynda çykyş edýän türkmen ýetginjek türgenleri «Olimpe tarap ýol» bilim maksatnamasyna gatnaşýarlar. Bu barada ORIENT-e ýurduň MOK habar berdi.
Taslama Russiýanyň iki şäherinde – Kemerowoda we Nowokuzneskde amala aşyrylýar. Bu maksatnama «Aziýanyň çagalary» Halkara komitetiniň bilim taslamalarynyň biridir we Olimpiýa komiteti bilen bilelikde «Aziýanyň çagalary» 2023 gyşky Halkara sport Oýunlarynyň çäklerinde Kuzbasda geçirilýär.
«Olimpe tarap ýol» Olimpiýa ýörelgelerini wagyz etmäge, «Aziýanyň çagalary» Halkara sport Oýunlarynyň taryhy bilen tanyşdyrmaga, arassa sporty öňe sürmäge we ýetginjek türgenleriň arasynda dostlukly gatnaşyklary pugtalandyrmaga niýetlenendir.
Maksatnamany amala aşyrmak üçin «Aziýanyň çagalary» Halkara komitetiniň lektorlary we Russiýanyň dürli sport edaralary işe çekilendir. Şeýle hem meşhur türgenleri bilen Oýunlaryň dürli ýaşlardaky uçurymlary bilen duşuşyklary gurnamak meýilleşdirilýär.
ArturPETROSÝANS
