Arkadag şäherine BMG-nyň gözden geçirmek we baha bermek üçin tehniki missiýasy geldi
Türkmenistanyň Daşary işler ministrliginde ministrlikleriň we pudak edaralarynyň ýolbaşçylarynyň orunbasarlarynyň Ahal welaýatynyň täze edara dolandyryş merkezi bolan Arkadag şäheriniň ösüşini görmek, gözden geçirmek we baha bermek boýunça BMG-nyň we onuň degişli düzümleriniň tehniki missiýasynyň wekilleri bilen duşuşygy geçirildi.
Türkmenistanyň Daşary işler ministriniň orunbasary Mähri Bäşimowa BMG hem-de onuň degişli düzümleriniň Arkadag şäherine gelip görmek we oňa baha bermek, taslamada “akylly şäher” konsepsiýasynyň durmuşa geçirilişi bilen tanyşmak boýunça teklibi kabul edendikleri üçin minnetdarlyk bildirdi.
BMG-niň tehniki missiýasynyň agzalary Arkadag şäherine ýokary baha berdiler hem-de bu döwrebap şäherde bina edilen desgalaryň dünýäniň häzirki zaman öňdebaryjy standartlaryna, hususan-da ekologiýa, howpsuzlyk hem-de tehnologiki öndürijiligine ýokary baha berdiler – diýip, Türkmenistanyň Daşary işler ministrliginiň maglumat gullugy habar berýär.
Duşuşygyň netijesi boýunça taraplar tehniki missiýanyň barşynda öňde goýlan teklipleriň ýerine ýetirilmegi üçin ýol kartasynyň talaplaryny bermäge ylalaşdylar.
ORIENT news
