Türkmen halysy – Wenadaky bäsleşikli söwdada iň gymmat lot
Austria Auction Company «Fine Antique Oriental Rugs XXXII» atly halylaryň ýöriteleşdirilen bäsleşikli söwdasy 2023-nji ýylyň 18-nji martynda geçiriler. Bu bäsleşikli söwdada giň görnüşli ajaýyp gadymy türkmen, kawkaz, anatoliý, pars, ortaaziýa, hytaý, gündogar-türküstan, tibet halylary we beýlekiler hödürlener.
Lotlaryň 200-siniň içinde esasysy we iň gymmady – 19-njy asyryň birinji ýarymyna degişli, 320x180 sm. ölçegli türkmen halysy boldy. Ol bilermenler tarapyndan takmynan 40-60 müň ýewro töwereginde bahalandyryldy. Deňeşdirmek üçin bellenilip geçilse, bahasy boýunça oňa ýakyn bolan 17-nji asyra degişli türk halysy 30-40 müň ýewro deňdir.
Bäsleşikli söwdanyň öňýanynda, Wenadaky Palais Breunerde çarşenbe güni 15-nji martdan anna güni, 17-nji mart aralygynda 11:00-dan 17:00-a çenli we bäsleşikli söwdanyň geçýän gününde, şenbe güni 18-nji martda 11:00-dan 16:00-a çenli deslapky gözden geçiriiş bolar.
Türkmen halylary Wenanyň «Fine Antique Oriental Rugs» hem-de halylar boýunça beýleki bäsleşikli söwdalarda köplenç esasy lotlaryň birine öwrülýär. Ine, onuň nobatdaky neşiri bilen bir günde, 18-nji martda Rippon Boswell öýünden (Wisbaden) Germaniýanyň onlaýn-bäsleşikli söwdasy hem bolar. Şonda 222 sany gadymy halylaryň hatarynda bahasy 2500 ýewro bolan 19-njy asyryň ortalaryna degişli türkmen ensi halysy çykarylar.
ORIENT news
