Türkmen futbolçysy Litwanyň kluby bilen şertnama baglaşdy
Türkmenistanyň ýygyndysynyň futbolçysy Maýa Musaskaýa Litwanyň futbol çempionatynyň A ligasynda çykyş edýän «Žalgiris» kluby bilen şertnama baglaşdy.
Futbolçy zenanyň agentiniň habar bermegine görä, Musaskaýa bu topara erkin agent hukuklarynda geçer. Şertnamanyň möhleti häzirki möwsüm gutarandan soňtamamlanýar.
Türkmen futbolçysynyň eýýäm klubyň düzüminde ilkinji oýnuny geçirip ýetişendigini belläp geçmelidiris.
Musaskaýa meýdançada, esasan-da, «Wilnýusyň»garşysyna oýnalan oýunda (1:2) Litwanyň zenanlar futbol birleşmesiniň (LMFA) Gyşky kubogynyň çäklerinde peýda boldy. Litwanyň klubynda ol 80-nji belgi bilen oýnaýar.
Türkmenistanlynyň öňki kluby türkleriň «Dudully spor» klubydy, ol ony 2023-nji ýylyň ýanwar aýynyň aýagynda terk etdi. Stambul kluby üçin futbolçy 2022-nji ýylyň sentýabryndan bäri çykyş edipdi.
Maýa Musaskaýa – daşary ýurtda çykyş edýän Türkmenistandan bolan ilkinji zenan futbolçydyr. Ol 2000-nji ýylda doglan. Ol «Altyn täç» futbol klubynyň terbiýelän türgenidir. Ol Aşgabadyň futbol we futzal toparlarynyň hatarynda çykyş edipdi. Ol 2016-njy ýylda Türkmenistanyň futbol boýunça milli ýygyndysynda hem çykyş etdi.
ORIENT habarlar
