Dünýädäki iň iri buzda taýylýan meýdança ilkinji gezek ýumşak gelen gyş sebäpli açylmaýar

Fewral 25, 2023 | 11:45 |10606

Kanadanyň Rideau Canal Skateway meşhur tebigy buzly meýdançasy dünýäde iň iri buzda taýylýan meýdança bolup, şu gyş möwsüminde howanyň ýeterlik sowuk bolmandygy sebäpli ilkinji gezek açylmaz – diýip, Reuters habar berýär.

Skateway hyzmat edýän we ony dolandyrýan milli paýtagt komissiýasy olaryň şu möwsüm buzly meýdançany açmak baradaky tagallalarynyň soňlanandygyny beýan etdi. Şu möwsüm Ottawada howanyň ortaça temperaturasy –5,9° Selsiýa deň boldy, adaty ortaça temperatura bolsa hemişe iki esse pes bolýardy.

Rideau Canal Skateway – bu 50 ýyldan gowrak mundan ozal açylan kanaldyr. Onuň uzynlygy 7,8 km deň bolup, konkide typmagy halaýanlar üçin gyşda işjeň dynç almak üçin iň gowy ýer hasaplanylýar.

ORIENT habarlar