Gazagystanda göreş boýunça Aziýanyň çempionaty geçiriler
Fewral 25, 2023 | 11:35 |8816
Astanada ulularyň arasynda göreşiň üç görnüşi boýunça Aziýanyň Çempionaty geçiriler. Bu barada Gazagystanyň MOK-niň metbugat gullugy habar berdi.
Ýaryşlar 7-nji aprelden 14-nji aprel aralygynda geçiriler. Ilkibaşda ýaryşy Hindistanda geçirmek meýilleşdirilipdi, ýöne bu ýurt yklymyň birinjiligini geçirmekden ýüz dönderipdi.
Häzirki wagtda türkmen türgenleri grek-rim we erkin göreş boýunça öňde duran halkara ýaryşlaryna taýýarlygyň çäklerinde Bakuwda okuw-taýýarlyk ýygnanyşyklaryny geçirýärler, ol 28-nji fewrala çenli dowam eder.
ORIENT habarlar
