Türkmenistan bugdaýyň täze sortlaryny ösdürip ýetişdirmäge girişýär
Ýakyn geljekde bugdaýyň Russiýadan getirilen«Alekseýewiç» we «Bezostaýa» ýaly sortlary Türkmenistanda ozal ulanylan krasnodar sortlary bolan «Batkony», «Wassany» we «Ýunany» sortlaryny aradan aýrar – diýip, «Türkmenistan» gazeti habar berýär.
Şunuň ýaly geçişiň esasy sebäbi täze sortlaryň ýokary hasyl berijiligidir. Şeýlelikde, sowuga çydamly «Alekseýewiç» gektardan 130 sentner hasyllylygy görkezip bilýär, «Bezostaýa» sorty bolsa ýokary derejede guraklyga çydamly we özünde ýokary mukdarda belok we kleýkowina saklaýar.
Ýurduň çäginiň köp böleginde ösdürilip ýetişdirilýän däp bolup gelýän sortlar Türkmenistanda köpçülikleýin girizilmek islenilýän sortlardan 30% hasyllylygy kem berýär.
Şu ýyl 34 müň gektara güýzlük bugdaýyň täze sortuny eken Lebap welaýatynyň daýhanlary hasylyň ilkinji ýaş maýsalaryny aldylar. Däne tabşyrmak boýunça meýilnamany ýerine ýetirmek üçin ýurduň gündogar sebitine 130 gektaryň her gektaryndan ortaça 80 sentner hasyl ýygnalmalydyr.
ORIENT habarlar
