Türkmenistan Ýewraziýadaky geljekdäki ulag aragatnaşygyna degişli öz garaýyşyny beýan etdi
Türkmenistan Ýewraziýa giňişliginde Gara deňiz we Balkan sebitleriniň, Günorta, Günorta-Gündogar Aziýanyň, Ýakyn Gündogaryň terminallaryna çykalgasy bolan şahalanan, toplumlaýyn, kombinirlenen ulag gatnawynyň döredilmegi üçin çykyş edýär.
Şunuň ýaly garaýyşy Türkmenistanyň BMG-niň Ženewadaky bölüminiň hemişelik wekili Atageldi Haljanow Ýewropa ykdysady komissiýasynyň guramanyň ýanyndaky içerki ulag boýunça Komitetiniň 85-nji sessiýasynda beýan etdi – diýip, «Türkmenawtoulaglary» agentliginiň saýty habar berýär.
Çäräniň barşynda Türkmenistanyň ulag ulgamyndaky mümkinçilikleri barada nygtalyp, COVID-19 pandemiýasyndan soňra dünýä ykdysadyýetini dikeltmekde ulagyň eýeleýän ornybarada bellenip geçildi.
Şu jähtden ugur almak bilen, türkmen wekiliýeti Merkezi Aziýada we Hazar sebitinde toplumlaýyn ulag-üstaşyr we logistika ulgamlarynyň döredilmegi ugrunda çykyş etdi.
ORIENT habarlar
