Stambulda geçiriljek ýeňil atletika boýunça çempionat Türkiýäniň gaýtadan dikeldilmegini goldamak üçin ulanylar
Ýewropanyň ýeňil atletika boýunça birleşmesi tarapyndan weýrançylykly ýer titremäniň netijelerini ýok etmek baradaky tagallalary goldamak üçin Stambulda ýapyk binalarda Ýewropanyň birinjiligini geçiriler. Oýunlar 2023-nji ýylyň 2-nji martyndan 5-nji marty aralygynda Stambulyň Ataköy Athletics Arenasynda geçiriler.
Birleşme gapdaly bilen geçirilýän baýramçylyk çärelerini mümkin boldugyça kemeltmek isleýär,ýaryşlar ýerli derejede mahabat edilmejekdigi habar berilýär. Birleşme şeýle hem her satylan biletden 1 ýewrony ýer titremeden soňra dikeldilme işlerine haýyr-sahawat hökmünde bagyşlar.
«Şunuň ýaly wagtda sport çäresini geçirmek, ilkinji nobatda, edilmeli iş däldir. Ýöne ýaryşlaryň ýerli guramaçylyk komiteti ýaryşlara taýýarlanmagy dowam etdirmekde ygrarlydygyny we taýýardygyny görkezdi» - diýip, Ýewropanyň ýeňil atletika birleşmesiniň prezidenti Dobromir Karamarinow aýtdy, birleşmäniň guramaçylyk komitetiniň kararyny goldaýandygyny hem sözüniň üstüne goşdy.
Ýeňil atletika jemgyýetiniň türk halky bilen raýdaşlygynyň nyşany hökmünde sport guramasynyň baştutany goldaw sözleri bilen şekilli, sesli ýa-da tekst habarnamalaryny şu salga ugradyp, social@european-athletics.org. paýlaşmaga çagyrdy.
«Biziň hemmämiz öz türk dostlarymyz bilen bilelikde gynanýarys we ýer titremesiniň netijesinde wepat bolanlaryň we ejir çekenleriň hatyrasyny tutmak isleýäris» — diýip, ol öz beýanatynda aýtdy.
ORIENT habarlar
