Türkmen türgenleri “Aziýanyň çagalary” gyşky oýunlarynyň açylyş dabarasyna gatnaşdylar
Türkmenistanyň topary “Aziýanyň çagalary2023” II Gyşky oýunlaryň Kemerowodaky (Russiýa) Kuzbass buz köşgünde geçirilen açylyş dabarasyna gatnaşdy.
Oýunlara gatnaşyjylaryň ýörişinde toparlar öz ýurtlaryň atlarynyň baş harplaryna laýyklykda, elipbiý tertibinde buz köşgüniň meýdançasyna girdiler. Ýöriş Ermenistanyň wekiliýetiniň başda durmagynda başlandy.
Türkmenistanyň wekiliýeti, 10 türgen bilen birlikde, jemi 17 adamdan ybarat. Açylyş dabarasynda ýurduň Döwlet baýdagyny sportuň woleýbolyň garda oýnalýan görnüşi boýunça wekili Furkat Şaripow göterdi.
Çäräniň dowamynda wokal we horeografiki çykyşlar görkezildi, figuralaýyn typmak boýunça iki gezek Olimpiýa çempiony Ýewgeniý Plýuşşenkonyň we Pekindäki Olimpiýa oýunlarynyň kümüş medalynyň eýesi Aleksandra Trusowanyň ajaýyp çykyşlary dabara aýratyn öwüşgin çaýdy.
"Aziýanyň çagalary" gyş oýunlary Kuzbassda 23-nji fewraldan 5-nji mart aralygynda geçiriler. Bäsleşige 12 ýurtdan we Russiýanyň 8 sebitinden gelen ýaş türgenler gatnaşýar.
Bu ýaryşlara Türkmenistan üç ugur boýunça - figuralaýyn typmak, gysga aralyga ylgaw we gar woleýboly boýunça gatnaşýar.
Artur PETROSYANS.
