“Galkynyş” simfoniki orkestri Arkadag şäheriniň açylyş dabarasynda çykyş etmäge taýýar
Türkmen-awstriýa "Galkynyş" simfoniki orkestri täze Arkadag şäheriniň açylyş dabarasyna bagyşlanan baýramçylyk çärelerinde konsert programmasy bilen çykyş etmäge taýýar. Bu barada Türkmen-awstriýa jemgyýetiniň ýolbaşçysy Neda Berger Türkmenistanyň Halk Maslahatynyň Başlygy Gurbanguly Berdimuhamedowa iberen gutlag hatynda mälim etdi.
Hanym Berger öz ýüzlenmesinde Ahal welaýatynyň täze dolandyryş merkezi bolan Arkadag şäheriniň açylmagynyň tutuş Türkmenistan üçin, esasanam “akylly” öýleri bolan bu ajaýyp şäherde ýaşamak miýesser etjek ilat üçin ajaýyp wakadygyny belläp geçdi.
Türkmen-awstriýa "Galkynyş" simfoniki orkestri 2009-njy ýylyň maý aýynda Gurbanguly Berdimuhamedowyň başlangyjy bilen döredildi. Bu türkmen we awstriýa sazandalaryny öz içine alýan Ýewropada ýeke-täk bilelikdäki orkestrdir.
ORIENT news
