Hormatly Prezidentimiziň adyna gelen hatlar
Onuň Alyhezreti, Türkmenistanyň Prezidenti jenap Serdar Berdimuhamedowa
6-njy fewralda Siriýada bolup geçen weýrançylykly ýertitremesi zerarly iberen ýürekden gynanjyňyz üçin Siriýa Arap Respublikasynyň Hökümetiniň adyndan we hut öz adymdan hoşallygymy beýan edýärin.
Siriýanyň halky şu agyr pursatda Türkmenistanyň bildiren belent ynsanperwerligine ýokary baha berýär.
Siziň ýurduňyza abadançylyk arzuw edýärin.
Tüýs ýürekden hormatlamak hem-de hoşallyk bilen,
Başar Al-Asad, Siriýa Arap Respublikasynyň Prezidenti
Onuň Alyhezreti, Türkmenistanyň Prezidenti jenap Serdar Berdimuhamedowa
Siziň Alyhezretiňiz!
Peşewarda ýüzden gowrak adam pidalaryna, şeýle hem şikes ýetmelerine getiren terrorçylyk bilen baglylykda, iberen gynanç hatyňyz hem-de duýgudaşlygyňyz üçin Size tüýs ýürekden hoşaldyryn.
Şeýle hasratly pursatda Siziň Alyhezretiňiziň Pakistanyň Hökümetine we gurban bolanlaryň dogan-garyndaşlaryna duýgudaşlyk bildirmegi ýurtlarymyzyň halklarynyň arasyndaky berk dostluk gatnaşyklarynyň subutnamasydyr.
Pakistanyň Hökümeti we halky ozalkysy ýaly, terrorçylyk wehiminiň ähli görnüşlerini ýok etmekde aýgytlydyr.
Pursatdan peýdalanyp, Siziň Alyhezretiňize berk jan saglyk we bagtyýarlyk, Türkmenistanyň doganlyk halkyna bolsa ösüş we abadançylyk arzuw edýärin.
Siziň Alyhezretiňize belent sarpa goýýandygym baradaky ynandyrmalarymy kabul ediň.
Muhammad Şahbaz Şarif, Pakistan Yslam Respublikasynyň Premýer-ministri
