Türkmenistanyň ilçisi we Gazagystanyň ýokary okuw mekdebiniň rektory ylmy pudakdaky hyzmatdaşlygy ara alyp maslahatlaşdylar
Ylym we bilim babatyndaky ikitaraplaýyn hyzmatdaşlygyň meselelerini Türkmenistanyň Gazagystandaky ilçisi Batyr Rejepow we I. Altinsarin adyndaky mugallymçylyk institutyň rektory Eržan Emirbekuly ara alyp maslahatlaşdylar. Bu barada ýokary okuw mekdebiniň resmi saýtynda habar berilýär.
Taraplar Türkmenistan bilen Gazagystanyň ýokary okuw mekdepleriniň arasyndaky hyzmatdaşlygy giňeltmek boýunça anyk teklipleri beýan etdiler. Türkmen diplomaty Arkalyk mugallymçylyk institutynda alnyp barylýan işler, talyplaryň okamagy üçin döredilen mümkinçilikler, şeýle hem ýokary okuw mekdebiniň ileri tutýan iş ugurlary bilen tanyşdyryldy.
Rejepow bilelikdäki ylmy-bilim taslamalaryny goldamaga taýýardygyny, tejribe alyşmaga ýardam etmäge we akademiki işjeňligi giňeltmäge goldaw bermäge taýýardygyny beýan etdi.
Altinsarin adyndaky Arkalyk mugallymçylyk instituty respublikadaky ýaş ýokary okuw mekdepleriniň biridir. Ol ýokary şahsy we hünär üstünligine ýetmäge ukyply bolan başarnykly, köp dilli pedagogik hünärmenleri taýýarlaýar.
ORIENT habarlar
