ABŞ Mastercardyň öňki baştutanyny Bütindünýä Bankynyň prezidenti wezipesine hödürleýär
ABŞ-nyň prezidenti Jo Baýden Mastercardyň öňki baş direktory Adžaý Banguny Bütindünýä bankynyň baştutany wezipesine dalaşgär hökmünde hödürledi, ol asly hindistanly bolan Bangunyň hususy pudakdaky we ösýän bazarlar bilen tejribesiniň bu guramanyň düýpli täzelenmegini tizleşdirjekdigine bil baglady.
«Adžaýyň şu pursatda Bütindünýä bankyna ýolbaşçylyk etmek üçin ajaýyp ukyplary bar. Ol halkara kompaniýalaryny üstünlikli döretmek we dolandyrmak işlerine üç onýyllykdan gowrak wagtyny sarp etdi, häzir onuň esaslandyran kompaniýalary täze iş orunlaryny döredýär we ösýän ykdysadyýelere maýa goýumlaryny goýýar» – diýip, Baýden beýan etdi, Banga wajyp meseleleri, şol sanda howanyň üýtgemegini çözmek üçin döwlete degişli we hususy serişdeleri işe çekmek tejribesine eýedir – diýip, goşdy.
Adžaý Banga Mastercardyň baş direktory wezipesini on ýyl işländen soňra 2021-nji ýylda terk etdi. Onuň ýolbaşçylygynda kompaniýa bazar kapitallaşdyrmasynyň bahasynyň 13 esse artmagyny gazandy.
Bütindünýä bankynyň häzirki prezidenti Dewid Malpass özünuň ygtyýarlyklarynyň gutarmagyndan bir ýyl öň ýakyn aýlarda wezipesinden gitmek baradaky kararyny beýan etdi. Ol ABŞ-nyň öňki prezidenti Donald Tramp tarapyndan bellenipdi.
ORIENT habarlar
