Magtymguly etraby $1 mln baýragy çagalar üçin täze dynç alyş seýilgähine sarp eder
Balkan welaýatynyň Magtymguly etraby 2022-nji ýylyň jemleri boýunça ýurtda iň öňdebaryjysy bolmak bilen, $1 mln möçberdäki sylagy çagalar dynç alyş merkeziniň gurluşygyna we ýanaşýan ýerlerini abadanlaşdyrmaga sarp eder.
Degişli tenderi şu gün «Neýtralnyý Turkmenistan» gazeti çap etdi.
Türkmenistanyň çäginde hasaba alnan kompaniýalar bäsleşikli saýlap alma gatnaşmaga çagyrylýarlar. Olar öz işleri barada maglumat, bank rekwizitlerini we ýazmaça ýüz tutma bermelidirler.
Şeýle hem soňky 3 ýylyň dowamyndaky iş tejribesi barada habar bermeli, maddy-tehniki binýady baradaky maglumatlary bermeli, hususy kärhanalar - TSTB-den kepilnama tabşyrmaly.
Teklipler 30 iş gününiň dowamynda şu salgy boýunça kabul edilýär: Balkanabat şäheri, Gurbansoltan eje şaýoly, 14-nji kiçi ýaşaýyş etrapçasy, bina 14 (Balkan welaýatynyň häkimligi).
Habarlaşmak üçin telefonlar: (+993 222) 2-00-25, 2-00-55.
ORIENT habarlar
