Türkmenistanyň Gazagystan Respublikasyndaky Adatdan daşary we Doly ygtyýarly ilçisi “Habar” agentliginiň müdiriýetiniň başlygy bilen duşuşdy
Türkmenistanyň Gazagystan Respublikasyndaky Adatdan daşary we Doly ygtyýarly ilçisi Batyr Rejepowyň “Habar” mediaholdinginiň müdiriýetiniň başlygy Berik Uali bilen duşuşygynyň dowamynda Türkmenistan bilen Gazagystanyň teleýaýlymlarynyň arasyndaky hyzmatdaşlygyň ösüşi ara alnyp maslahatlaşyldy. Bu barada agentligiň ýolbaşçysy öz Facebook resmi sahypasynda habar berdi.
Taraplar köpçülikleýin habar beriş serişdelerinde bilelikdäki taslamalary durmuşa geçirmegiň mümkinçiliklerine garadylar. Berik Uali türkmen diplomatyna Gazagystanda iň uly metbugat holdinginiň döredilmegi we işi barada gürrüň berdi, şeýle-de onuň ýakyn geljek üçin meýilnamalary bilen paýlaşdy. Berik Uali Batyr Rejepowyň Türkmenistanyň çäginde “Habar” agentliginiň žurnalistini akkreditasiýa etmek baradaky teklibine garamaga taýýardygyny mälim etdi.
”Habar” agentligi” Paýdarlar jemgyýeti gazak, rus we iňlis dillerinde gepleşikleri taýýarlaýan teleýaýlymlar maşgalasy bolmak bilen, onuň düzümine “Habar”, “Habar 24” gije-gündiz habarlar kanaly, “Kazakh TV” hemra teleýaýlymy we “EL ARNA” film teleýaýlymy girýär. Mediýaholding 1995-nji ýylda döredildi. Onuň ýeke-täk paýdary Gazagystan Respublikasynyň Maglumat we sosial ösüş ministrligi tarapyndan wekilçilik edilýän döwlet bolup durýar.
ORIENT news
