Stambulyň häkimligi islendik wagt ýykylyp biljek binalary aýyrmaga başlady
Stambulyň häkimligi ýykylmagyň iň ýokary töwekgelçiligine eýe bolan binalary aýyrmaga başlady – diýip, şäheriň baştutany Ekrem Imamogluna salgylanyp, RIA Nowosti habar berýär.
Häzir Stambulda ilaty 10 000 adama ýetýän 318-den az bolmadyk bina ýer titreme bolan badyna ýykylyp biler. Şäheriň häkimliginiň baş sekretarynyň kömekçisi Bugra Gökçeniň beýan etmegine görä, 1525 jaý D we E derejelerine degişlidir, ýagny ýokary töwekgelçilikdedir.
Bu işi tizleşdirmek maksady bilen, ýurduň iri şäherleriniň biriniň häkimligi öýleri kärendesine almak üçin goşmaça 4500 lira bölüp berýär.
2019-njy ýylda şäheriň häkimiýeti Stambul tehniki uniwersiteti bilen birlikde şäherdäki jaýlaryň meýletin we tölegsiz bahalandyrma maksatnamasyna badalga beripdi, ol ýykylma töwekgelçiligini ýüze çykarmaga mümkinçilik berýär. Maksatnamanyň hereket etmeginiň 3 ýylynda 30 müňe golaý ýüz tutma seredildi, 6-njy fewraldaky tebigy betbagtçylykdan soň bolsa 40 müňe golaý ýüz tutma alyndy, olaryň arasynda binany gyssagly barlamak baradaky talaplar hem bar.
ORIENT habarlar
