Türkmenistanyň Prezidenti Serdar Berdimuhamedowyň adyna mähirli gutlaglar
Ozal habar berlişi ýaly, Bahreýn Patyşalygyna resmi saparyň çäklerinde döwlet Baştutanymyz Serdar Berdimuhamedowa Bahreýn Patyşalygynyň ýokary döwlet sylagy--Şeýh Isa bin Salman Al-Halifa adyndaky birinji derejeli ordeni gowşuryldy.
Şu mynasybetli hormatly Prezidentimiziň adyna köpsanly gutlag hatlary gelip gowuşýar.
Döwlet we jemgyýetçilik işgärleri hormatly Prezidentimiz Serdar Berdimuhamedowy bu şanly waka bilen mähirli gutlap, tüýs ýürekden berk jan saglyk, uzak ömür, Watanymyzyň mundan beýläk-de abadançylygynyň, halkymyzyň rowaçlygynyň bähbidine alyp barýan jogapkärli döwlet işinde täze üstünlikleri arzuw edýärler.
Döwlet Baştutanymyzy bu şanly waka bilen türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gutlady.
Hormatly Prezidentimize Mejlisiň deputatlarynyň adyndan G.Mämmedowa iň gowy arzuwlaryny iberdi.
Döwlet Baştutanymyz Serdar Berdimuhamedowa Ministrler Kabinetiniň Başlygynyň orunbasarlary hem öz gutlaglaryny iberdiler.
Hormatly Prezidentimize Türkmenistanyň Prezidentiniň Diwanynyň jogapkär işgärleri tüýs ýürekden gutlaglaryny ýolladylar.
Döwlet Baştutanymyzy welaýatlaryň häkimleri hem tüýs ýürekden.
Hormatly Prezidentimiz Serdar Berdimuhamedowa ýurdumyzyň harby we hukuk goraýjy edaralarynyň ýolbaşçylary iň gowy arzuwlaryny iberdiler.
