Türkmen dzýudoçylary Ysraýylda geçiriljek “Uly şlem” ýaryşyna ugrarlar
Türkmenistanyň dzýudo boýunça ýygyndy topary Tel-Awiw şäherinde 16-18-nji fewral aralygynda geçiriljek “Uly şlem” ýaryşyna gatnaşar.
Türkmenistana bu çempionatda türgenleriň 14-si wekilçilik eder. Türkmen ýygyndy toparynyň erkekler düzümini: Aýbek Ömirow, Hakberdi Jumaýew (60 kg. çenli agram dereje), Serdar Rahymow, Hekim Agamämmedow (66 kg. çenli), Parahat Nazarow, Begenç Soltanow (72 kg. çenli), Şatlyk Seýitmyradow (81 kg. çenli), Mämmedaly Açyldyýew (90 kg. çenli), Baýmyrat Majanow (100 kg. çenli) emele getirdi.
Zenanlar toparyna Aksaoltan Hojageldiýewa, Gurbanaý Gurbanowa (48 kg. çenli), Maýsa Perdäýewa (57 kg. çenli) we Zülhumar Daşgynowa (63 kg. çenli) wekilçilik edýärler.
Türkmen dzýudoçylary ýaryşda tälimçiler Gahryman Amandurdyýewiň hem-de Tatýana Widýasowanyň ýolbaşçylygynda çykyş ederler.
Tel-Awiwdäki “Uly şlem” ýaryşy 56 ýurtdan 417 türgeni bir ýere jemlär.
ORIENT news
