Türkiýede harabalyklardan halas edilen haýwanlar üçin ykjam hassahanalar gurnaldy
Türkiýede harabalyklardan halas edilen haýwanlara gyssagly kömek guraldy. Haýwan hukuklaryny goramak bioýunça guramanyň işjeň agzalary tarapyndan ejir çeken haýwanlar üçin dört sany göçme hassahana döredildi – diýlip, Türkiýe metbugaty habar berýär.
Türkiýedäki weýran bolan binalaryň harabalyklaryndan halas edijiler diňe bir adamlary däl, eýsem haýwanlary hem çykarýarlar. Gözleg işleri başlaly bäri, harabalyklaryň aşagyndan pişikleriň, itleriň, guşlaryň, şol sanda totyguşlaryň ýüzlerçesi diri çykaryldy. Hatda akwarium balyklaryny hem halas etmek başartdy. Köplenç halatda olaryň eýeleriniň pida bolandygy ýüze çykýar.
Olara dört etrapda emele gelen gyssagly kömek nokatlarynda ilkinji kömek berilýär. Bejergi tamamlanandan soň, olar ulag bilen uly şäherlerde ýerleşýän weterinariýa klinikalaryna iberiler we şol ýerde hünärmenleriň gözegçiliginde bolarlar.
Türkiýede haýwanlaryň aladasy edilýär, köçelerde eýesiz itler we pişikler üçin içi iýmitli we suwly ýörite gaplar bar, ýurduň ýaşaýjylarynyň köpüsi öý haýwanlaryny saklaýar. Ýurt üçin bu agyr günlerde harabalyklarda diňe bir adamlaryň däl, eýsem itleriň hem işleýändigini bellemek gerek. Dört aýakly halas edijiler ýüzlerçe ýaralanan adamlary, şol sanda çagalary hem harabalyklaryň aşagyndan çykarmaga kömek etdiler. Betbagtçylygy gözi bilen gören şaýatlaryň aýtmagyna görä, umumy betbagtlyk adamlary we haýwanlary birleşdirdi.
ORIENT news
