China daily: Hytaýyň bir şäheri daşary ýurtlar bilen ýuanda özara hasaplaşyklar ulgamyna badalga berdi
Hytaýyň Iu şäheri daşary ýurt hyzmatdaşlary bilen ýuanda özara hasaplaşyklar üçin Yiwu Pay hususy bütindünýä töleg platformasyny açdy – diýip, China daily habar berýär.
Zhejiang China Commodities City Group Co kompaniýasy tarapyndan işlenip düzülen ulgam şäheriň 900-dan gowrak kärhanasy üçin daşary ýurtlar bilen tölegleri ýönekeýleşdirer. Ol şeýle hem 1,2 mln-a golaý hytaý hususy, kiçi we orta kärhanalary sanly tölegleriň üsti bilen dünýä bazaryna baglap, olaryň üpjün etmeleriň bütindünýä zynjyryna goşulmagyna ýardam eder.
Töwekgelçiliklere gözegçilik etmegiň öňdebaryjy ulgamyna eýe bolmak bilen, Yiwu Pay kompaniýasy amallaryň her bir bölegini hakyky wagt düzgüninde yzarlap bilýär, şeýlelikde bazaryň operatorlary üçin serişdeleriň howpsuzlygyny üpjün edýär we kärhanalara senagatyň bütindünýä gurluşyndaky üýtgemelere uýgunlaşmaga kömek edýär.
Yiwu Pay-iň kömegi bilen müşderiniň pullary tiz hasaba geçýär we olary ýuanda nagt edip almak bolýar. Ulgam Apple Pay, Alipay we UNION Pay ýaly töleg goşundylaryny we usullaryny kabul edýär.
2021-nji ýylyň dekabrynda Zhejiang Yite Network Technology Co kompaniýasy Saud Arabystanyndan bolan müşderiden Yiwu Pay-iň üsti bilen ýuanda daşary ýurt tölegini aldy. Bu ulgamy ulanmak arkaly ýuanda edilen ilkinji daşary ýurt amalydyr (tranzaksiýa). Ol Hytaý bilen arap ýurtlarynyň arasynda söwdanyň ösmeginde uly orun eýeledi we ýuanyň halkara giňişligine çykmagyna höwes döretdi.
ORIENT habarlar
