Türkmen azyk önümleriniň Russiýa eksport edilmegi 90% artdy – Blohin
Türkmenistan Russiýa dokma önümleriniň eksportyny 50%, azyk önümleriniňkini bolsa 90% artdyrdy, bu iki döwletiň arasyndaky gatnaşyklaryň oňyn ösüşini görkezýär. Bu barada RF-nyň Türkmenistandaky ilçisi Aleksandr Blohiniň şu gün resmi türkmen metbugatynda çap edilen makalasynda aýdylýar.
Russiýanyň diplomatik korpusynyň baştutanynyň aýtmagyna görä, Türkmenistan bilen Russiýanyň arasyndaky gatnaşyklar häzirki wagtda 360-dan gowrak ylalaşyk bilen berkidilendir we strategiki häsiýete eýedir.
Blohin energetikadaky, oba hojalygyndaky, senagatdaky, IT we medeni-ynsanperwer ugurlardaky ikitaraplaýyn özara gatnaşyklaryň möhümdigini belledi. Russiýanyň COVID-19 garşy sanjymlary ilkinji gezek Türkmenistanyň Saglygy goraýyş we derman senagaty ministrligi tarapyndan hasaba alnyp, Türkmenistanyň ilatynyň immunizasiýasyny üstünlikli geçirdi.
Söwda-ykdysady hyzmatdaşlygy meselelerine degip geçmek bilen, ilçi Türkmenistanyň halkara ulag geçelgeleriniň çäklerindäki ulagdaky we logistikadaky ornunyň geljeginiň uludygyny nygtady, şeýle hem RF-nyň özi we onuň subýektleri – Tatarystan Respublikasy, Çelýabinsk we Astrahan oblastlary bilen berk özara gatnaşyklaryň ýola goýulmagynyň geljeginiň ulydygyny nygtady.
Türkmenistanda «Gazprom», «KamAZ», «Tatneft», «Wozroždeniýe» ýaly Russiýanyň kompaniýalary üstünlikli işleýärler.
Medeni-bilim hyzmatdaşlygy barada ilçi Türkmen-rus uniwersitetini açmagyň, A.S. Puşkin adyndaky rus döwlet drama teatrynyň täze binasynyň gurluşygynyň we bilelikdäki umumybilim berýän türkmen-rus orta mekdebiniň täze binasynyň taslamalarynyň ýerine ýetirilmeginiň möhümdigini belläp geçdi. Häzirki wagtda Türkmenistanda 70-den gowrak mekdeplerde rus dilinde okadylýan synplar bar.
ORIENT habarlar
