Türkmenistanda grippiň wiruslaryny sekwenirlemek boýunça ilkinji tejribäni geçirdiler
Türkmenistanda grippiň wiruslaryny sekwenirlemek boýunça ilkinji tejribe üstünlikli geçirildi. Bu barada Türkmenistanaky BSGG-nyň saýtynda habar berilýär.
Grippiň wirusynyň sekwenirlenmegi — bu grippiň wirusynyň DNK-nyň ýa-da RNK-nyň seljerilmesiniň geçirlýän barlagydyr. Sekwenirleme barlagçylara wirusyň ösmegi bilen nähili üýtgändigini anyklamaga we hassa üçin has netijeli bejergini saýlap almaga mümkinçilik berýär.
Synaglar Türkmenistanda BSGG-nyň grippiň wiruslaryny sekwenirlemek babatynda milli mümkinçiliklerini güýçlendirmek üçin Türkmenistana eden maslahat-tehniki saparynyň barşynda geçirildi.
BSGG-nyň Ýewropanyň sebitleýin býurosynyň bilermenleriniň saparynyň barşynda türkmen hünärmenleri grippiň wirusynyň 10 nusgasynyň doly genomly sekwenirlenmegini bilelikde geçirdiler. Sekwenirlenen wiruslar baradaky maglumat wirusyň genomlaryna elýeterlilik berýän GISAID (Global Initiative on Sharing Avian Influenza Data) bütindünýä platformasyna ýüklendi.
Türkmen lukmanlary Ion Torrent platformasynda grippiň wiruslarynyň genetiki häsiýetnamasy üçin täze nesliň (Next-Generation sequencing) sekwenirleme usuly bilen tanyşdylar.
ORIENT habarlar
