Tähranda Türkmenistanyň Medeniýet günleri geçiriler
Eýran Yslam Respublikasynda Türkmenistanyň Medeniýet günleri geçiriler. Medeni çäreleriň geçirilmegi türkmen-eýran doganlyk gatnaşyklarynyň aýrylmaz bölegi bolup durýar diýip, Eýranyň medeniýet we yslam ugurdaşlygy ministri Mohammad Mahdi Esmaili aýtdy.
Ol EYR-niň Medeniýet günleriniň çäklerinde geçirilýän çärelere gatnaşmak üçin Aşgabada geldi. 12-14-nji fewral aralygynda paýtagtyň teatrlary we myzeýleri döredijilik meýdançasyna öwrülip, şol ýerlerde eýranly sungat ussatlarynyň gatnaşmagynda sergiler we konsertler geçirildi. Şäheriň teatrlarynda Eýranyň kinorežissýorlarynyň filmleri görkezildi, şeýle hem festiwalyň myhmanlary Eýranyň aşhanasynyň tagamlaryndan datdylar.
Mohammad Mahdi Esmaili Aşgabatda bolmagynyň çäklerinde Türkmenistanyň daşary işler ministri Raşid Meredow bilen duşuşyk geçirdi. Taraplar özara Medeniýet günleriniň geçirilmeginiň türkmen we eýran halklarynyň milli däp-dessurlarynyň köpdürliligini açyp görkezjekdigini hem-de iki döwletiň medeniýet we sungat işgärleriniň arasynda tejribe alyşmaga ýardam etjekdigini bellediler.
ORIENT news
