Türkmen karateçileri BAE-ne ýaşlaryň ýaryşyna ugrarlar
Türkmen karateçileri Fujeýrede (BAE) 23-26-njy fewral aralygynda geçiriljek Karate1 2023 Ýaşlar Ligasynyň birinji tapgyryna gatnaşarlar.
Türkmen ýygyndy toparynyň düzümi 20 karateçiden ybarat bolup, olar möwsümiň şu tapgyrynda Baýram Ýalkapowyň ýolbaşçylygynda çykyş ederler. Olardan başga-da, wekiliýetiň düzümine eminleriň altysy girdi.
Karate1 2023 Ýaşlar Ligasy Halkara karate federasiýasynyň howandarlygynda geçirilýän ýaryşlaryň tapgyrlarydyr.
Ýaryşa 67 ýurtdan türgenleriň 1100-den gowragy gatnaşar.
Liganyň indiki tapgyrlary La-Korunýi (Ispaniýa, 27-30-njy aprel), Parenso (Horwatiýa, 29-njy iýun – 3-nji iýul), Mehiko (Meksika, 21-24-nji sentýabr) we Wenesiýa (Italiýa, 7-10-njy dekabr) şäherlerinde dowam eder.
Geçen möwsümde medallary gazanmakda umumy toparlaýyn hasapda Müsüriň ýygyndy topary öňdeligi eýeledi. Ikinji orna Italiýanyň topary, üçünji orna bolsa Horwatiýanyň we Germaniýanyň wekilleri mynasyp boldular.
Artur PETROSYANTS
