Türkmenistanda AFK tälimçilik ygtyýarnamasyny almak boýunça okuwlar geçirilýär
Türkmenabatda Aziýa Futbol Federasiýasynyň "C" tälimçilik ygtyýarnamasy ugrundaky kurs başlandy - diýip, Türkmenistanyň Futbol federasiýasynyň metbugat gullugy habar berýär.
Okuw kurslary türkmen hünärmeni, FFT we AFK-nyň öwrediji-mugallymy Röwşen Muhadowyň ýolbaşçylygynda geçirilýär.
Ýurduň ähli welaýatlaryndan 24 hünärmen okuwa girişdi. Kurs maksatnamasy amaly we tejribe sapaklary öz içine alýar. Okuw kursy 28-nji fewrala çenli dowam eder.
Okuwlar gutarandan soň, geçilenleri üstünlikli özleşdiren diňleýjiler okuwy gutarandygy barada şahadatnamalary we AFK "C" kategoriýasynyň tälimçilik ygtyýarnamalaryny alarlar.
"C" ygtyýarnamasy çagalar we ýetginjekler toparlarynda, höwesjeň klublarda, birinji liganyň we Türkmenistanyň ýokary ligasynyň klublarynyň tälimçiler toparynda futbol tälimçisi bolup işlemäge mümkinçilik berýär.
ORIENT news
