Türkmenistanyň Prezidentiniň Bahreýne sapary başlandy

Fewral 21, 2023 | 23:21 |11841

Türkmenistanyň Prezidenti Serdar Berdimuhamedow sişenbe güni Aşgabat halkara howa menzilinden resmi sapar bilen Bahreýn Patyşalygyna ugrady.

Halkara howa menzili iki ýurduň Döwlet baýdaklary bilen bezelen Muharrak şäherinde Türkmenistanyň döwlet baştutanyny wise-premýer Halid bin Abdullah Al-Halifa we beýleki adamlar garşy aldy.

Çarşenbe güni, 22-nji fewralda Prezident Serdar Berdimuhamedowyň Bahreýniň şasy Şeýh Hamad Bin Isa Al-Halife bilen resmi duşuşyk dabarasy bolar.

Geçiriljek ýokary derejeli gepleşikleriň ikitaraplaýyn hyzmatdaşlyga itergi bermegine, hil taýdan täze hyzmatdaşlygy gurmaga we degişli mümkinçilikleri açmaga ýardam etmegine garaşylýar.

ORIENT news