Özbegistan Aktau gazak portunyň üsti bilen ýükleri ÝB-e ibermegi işjeňleşdirmegi meýilleşdirýär
Özbegistanyň hökümeti Hazarüsti halkara ulag geçelgesiniň çäklerinde Gazagystanyň Aktau portunyň üsti bilen ýükleri Ýewropa ibermegi işjeňleşdirmegi maksat edinýär diýip, duşenbe güni özbek DIM-niň “Dune” habarlar agentligi habar berýär.
Agentligiň maglumatlaryna görä, Özbegistanyň Aktaudaky baş konsuly Atabek Tursynbekow we “NK Aktauskiý morskoý torgowyý port” PJ-niň müdirýetiniň başlygy Abaý Turikpenbaýew özbek önümleriniň Gazagystanyň bu deňiz menziliniň üsti bilen Ýewropa eksport edilmegi baradaky meseleleri ara alyp maslahatlaşdylar.
“Aktau deňiz söwda portunyň ýolbaşçysy özbek eksport edijilerinden Aktau deňiz söwda porty arkaly ýükleri daşamaga haýyşnamalary kabul etmäge hem-de olara ýörite ýeňillikli şertleri hödürlemäge taýýardyklaryny beýan etdi” diýip, “Dune” saýtynyň habarynda aýdylýar.
Agentlikde bellenilişi ýaly, Turikpenbaýew portuň mümkinçilikleriniň giňeldilmegi özbek telekeçileriniň geljekde Ýewropa bazarlaryna çykmagynyň alternatiw ýoluna öwrüler diýip nygtady.
Gazagystan tarapynyň maglumatlaryna görä, port mümkinçiliklerini artdyrýar, şol sanda üstaşyr we konteýnerli daşamalaryň hasabyna hyzmatlaryny diwersifikasiýalaşdyrýar hem-de Hazarüsti halkarea ulag geçelgesiniň bir bölegine öwrülýär.
ORIENT news
