Kataryň şeýhi «Mançester Ýnuaýted» klubyny satyn almak isleýär
Şeýh Hamad bin Jasim bin Jaber Al Tani «Mançester Ýunaýted» sport klubyny satyn almak üçin ýüz tutdy – diýip, Tengrinews habar berýär.
«Şu gün irden Şeýh Hamad bin Jasim bin Jaber Al Tani «Mançester Ýunaýted» futbol toparynyň paýnamalarynyň 100 göterimini satyn almak üçin ýüz tutandygyny tassyklady. Ol kluba hem futbol meýdanynda, hem onuň çäklerinden daşarda öňki şöhratyny gaýtaryp getirmegi meýilleşdirýär, hemmesinden öňürti janköýerleriň ýene-de futbol klubynyň merkezinde bolmagyny isleýär» – diýlip, şeýhiň konsorsiumynyň habarynda aýdylýar.
Kataryň öňki premýer-ministri, Pars aýlagynyň iri yslam bankynyň Qatar Islamic Bank müdirliginiň başlygy Gleýzerler üçin rekordlyk 4,5 mlrd ýewro teklip etdi.
Şeýhiň gaznasy Nine Two Foundation klubyň futbol toparlaryna, türgenleşik bazasyna we has giň maksatlar üçin infrastrukturasyna, şeýle hem klubyň goldaýan jemgyýetlerine pul serişdelerini maýa goýar.
Şeýh Hamad bin Jasim bin Jaber Al Tani 10 ýaşyndan bäri «Mançester Ýunaýtidiň» janköýeridir.
ORIENT habarlar
