BAE-niň kosmonawty Remezany älemde belläp geçer
BAE-niň kosmonawty Sultan Al Neýadi musulmanlar üçin hökmany agyz beklemek aýy bolan Remezany älemde bellär.
Onuň başga-da üç kosmonawt bilen Halkara älem stansiýasyna uçmagy 26-njy fewrala meýilleşdirilýär. Bu älemde araplaryň wekiliniň ilkinji uzak sapary bolar.
Žurnalistleriň onuň älemde Remezany nähili bellejekdigi baradaky soraglaryna Neýadi öz ýany bilen borta hurma aljakdygyny we ekipažyň beýleki agzalary bilen paýlaşjakdygyny aýtdy.
Sultan Al Neýadi 2019-njy ýylda orbita çykan Hazzaa Al Mansuriden soňra BAE-niň älemdäki dördünji wekili bolar.
«Biz bu sapara beden taýdan, akyl taýdan we tehniki taýdan taýýardyrys. Biz täze bilimler bilen gaýdyp geleris we olary başgalar bilen paýlaşarys diýip umyt edýäris»- diýip, kosmonawt metbugat-maslahatynyň barşynda aýtdy.
ORIENT habarlar
