Alymlar duýgurlygy gaýtaryp getirýän protez işläp taýýarladylar
Russiýanyň Uzak gündogar federal uniwersitetiniň lukmançylyk merkeziniň alymlary Skoltehdäki kärdeşleri we «Motorika» kompaniýasynyň hünärmenleri bilen bilelikde aýak üçin duýgur protezi işläp taýýarladylar – diýip, «Izwestiýa» habar berýär.
Ony işläp düzen alymlar hassanyň çolak aýagyna we arka beýnisine elektrodlary oturtdylar, olaryň üsti bilen emeli protezde oturdylan datçiklerden nerw ulgamyna signal goýbermegi başardylar.
«Biziň işläp taýýarlan protezimiz aýagy kesilip aýrylan adamlaryň birbada iki esasy meselesini çözýär: farmokologiki taýdan aýyrmasy kyn bolan fantom agyrylaryny aradan aýyrýar, şeýle hem ýitirilen duýgyny gaýtaryp berýär» – diýip, «Motorikanyň» inwaziw barlaglarynyň ýolbaşçysy Ýuriý Matwiýenko aýtdy.
Şeýle hem hünärmenler şunuň ýaly proteziň ony peýdalanyjylary ýöränlerindäki artykmaç tagallalardan halas eder we dikeldiş serişdesi ýa-da ýat gadžet ýaly duýulman, edil öz aýagyň ýaly duýlar - diýip, umyt edýärler.
ORIENT habarlar
