Türkmenistanyň Gyzyl Ýaymaý jemgyýeti Türkiýä ynsanperwerlik ýüküni ugratdy
Türkmenistanyň Milli Gyzyl Ýarymaý jemgyýeti ýer titremesinden ejir çeken Türkiýä ynsanperwerlik kömeginiň täze tapgyryny ugratdy – diýip, guramanyň saýtynda habar berilýär.
Ýyly egin-eşikleriň dürli görnüşleri we arassaçylyk serişdeleri bilen ýüklenen ýük awtoulagy betbagtçylykda ejir çeken çagalar we olaryň maşgala agzalary üçin ugradyldy – diýlip, habarda aýdylýar.
Şunuň bilen bir wagtda, Turkish Airlines kompaniýasynyň uçary arkaly Türkmenistanyň raýatlary we ýurtdaky türk kompaniýalarynyň işgärleri tarapyndan haýyr-sahawat üçin berlen ýene-de müň sany ýyly ýorgan Türkiýäniň ejir çeken etraplaryna eltiler. Bu barada Türkiýäniň Türkmenistandaky ilçisi Togan Oral Twitterde habar berdi.
Türkmenistan eýýäm ynsanperwerlik ýüküniň birnäçe tapgyryny Türkiýäniň ejir çeken welaýatlaryna, şol sanda, lukmançylyk serişdelerini , çagalar üçin egin-eşikleri, ýyly ýorganlary we elektrik generatorlaryny ugratdy.
Türkiýedäki ýer titremesiniň pidalarynyň sany 39,6 müň adamdan geçdi – diýip, anna güni ýurduň IIM-niň baştutany Suleýman Soýlu CNN Türk teleýaýlymynda eden çykyşynda habar berdi. Stambulyň hassahanalarynda 1,3 müňden gowrak ejir çeken adam bejergi alýar, 7 müňden gowrak adam hassahanadan çykaryldy.
ORIENT habarlar
